Olympics nung Bolt den temaba jenjang angutsü: Gatlin

New York, February 17 (Agencies): America nunger toktepa asemer, Justin Gatlin-i taküm 2016 küm August ita 5-21 nü tashi asayatsü ayongba Rio Olympics asayamong nung alima ajunga nung tekaratisang, Usain Bolt den temaba jenjang angutsü tenangzükba olen ka tanü, Bodbar nü metetdaktsüogo.
Jamaica nunger Bolt-i Gatlin den takaraba mapang nung alizüng tonga yaküm, 2015 küm Beijing nung world 100m takokba anguba kepzüktsü alizüng yur Gatlin-i tan tenangzükba olenji metetdaktsür lir.
“Ni Olympics asayamong nung Bolt madak takok ngua ozü America linük asoshi gold medal agizüktsütsü nangzüker,” ta Gatlin-i tanü metetdaktsü.
Küm 28 tashi tamakok ken danga manguba otsü bener Gatlin-i yaküm Bejing nung toktepa shilem agi saka Bolt-i alizüng mezüng tonga Gatlin nem tamakok bener arutsü.

You must be logged in to post a comment Login