Omar Abdullah chiokba NC-i pelashishia gizükogo

Jammu, Metsüremi/March 24 (Agencies): NC provincial tir Devender Singh Rana-i, taoba chief minister Omar Abdullah ita ti jungnüa shibanga yur chiokba pelashishia agizükogo aser ashiba agi jenjang shidaka ka agiogo.
“Iba ya otsüsütsü inyakyim ka lir aser iba ajanga democracy tashi itshidaktsütsü aser Jammu and Kashmir nung yimden yimsüsüba tsütsü inyakyim tongtibangtem benoka inyaksangshi tenzüktettsü,” ta Rana-i ashi.
February ita Public Safety Act (PSA) kübok aija shibanga ayuba sülen ken o aginer tang National Conference (NC) tatong tir ya chiokogo.
Taoba küm August 5 nü Jammu and Kashmir nungi special status agintsü centre sorkari sangdongba sülen pa anogo 232 custody nung yua liasü.
Rana-isa, Abdullah chiokba sülen ano criminal charges maliba yimden yimsüsürtem ajak chioktsü imlaba lemsatepogo.
“Nüburtem ajangzüktsü asoshi political tsütsü inyakyim maneni tenzükshitsü atema kati ka dak temulung lemteptsü asoshi iba ya kanga nüngdaka liasü,” ta pai ashi.
Pai ashiba agi, NC puri democracy aser secularism inyakyim pusema arudar, koba party ngutetsang Sher-e-Kashmir Sheikh Mohammad Abdullah indang onük tongtibangtiba ka liasü aser party philosophy lir, koba Jammu and Kashmir yimjiyimjui nung anitsü asoshi lir.