Omen – Child atema ken sayuyim

– Rev. P.L.Wati Longchar, Rtd. Child Missionary.

CSOM – Children special ministries den küm 6 tenzüka arudang ni tera metetba yamai lemsateper.
Tanurtemi teti ken atentsü jangrar, aji metsü mapang ozütemi ken atenba den atishia amshir. Temulung agi akokba dangbo ken yagi temelaba angazükdaktsür ta tesayuri ashir. Takok tashi pei sobaliba shilu den, lai teyong sur sayutsü nüngdak. Tanur dang ‘London is burning’, ‘Baa, baa black sheep’, ‘Humpty Dumpty’, J’ohny Johny eating sugar’? ABC lai o maten, London rongdar ta tanur dang sayuba yagi tanüla aser tekolok arentsü kangabo meyarir, komala ken sayu nung tapetba asür.
1. Parnok atema Action song yasa tajungtiba (Action cries louder than word)
Action ken kar shidanger-
1. Nü mapa angur, nü o angashir kibubai teti zülur.
2. Sarasadema lai züngang, teti züngra na aintsü.
3. Iba lima koda tulu, Tsüngremi yangluba
4. Nai kotaki tunerbang nokdakang, teka mang.
2. Lai tekong kar agiteta ken mejema sayuang.
1) Filipi 4:4 – Teti kibuba nung pelaang….
2) T.Ken 23 – Kibur kü sanüker ni pa den jajatsü.
3. A-Z ya ken yanglur sayuang
Iba dang Alfa Omega ken Bible ken ta ajar.
ABCDEFG -Tsüngrem O ni amanger
HIJKLMN – Menenpur melen asü. Amen
OPQRSTU – Yisu kü melen asü
VÜW tatem maka ki X-Y-Z kü ki renemja lir.
English (V and double U everlasting home XYZ, Oh he prepared for me).
Ken mejemba yimya (takok tashi Ao oshi agi sayuang)
1) Tanur küm zünga den peta, kensü tanela aser tongmelang asütsüla.
2) Kensü tajung dangbo tanülar lesson keta yangluang.
3) Langzütepa atenba ken ya onsara jangratemtsü.
4) Ojang kati adokba kensü Haliluyah, hosanah, amen, bible, Jesus, Immanuel
5) Takok tashi music instrument agi anishiang, guitar, keyboard, violin, trumpet etc.
6) Puppet aser visual aid ken yagi tajungtiba atsüa aruteter.
7) Tarensen ken-hopta anogotem, Yisu nütsüngtem, laishiba tarensen, ita tarensen.
8) Ojangtemji tetezü akütba, temulung atangtsü O, tamang nung indaktsüba par küm den apet asütsüla (VBS & child Dept-i atokba ken kaket olen cassette ya onsara langra aser South Indian kensü timba lir)
9) Tanurtem dang yamala ken mesayutsüla-tetsübutsü, timtem, azüngmeyak, terongjen, reshikangshi.