January 24, 2016: Tebur temeja kentener telok ‘One Direction’ nungi züngsem Louis Tomlinson aser taoba mapang tetong Briana Jungwirth na nem Hokolbar nü jabaso ka moatsüogo.
Iba osang twitter nung prokba sülen One Direction züngsem Louis-ia, iba osangji jangjaja, ‘atangji tang mezüng ni tanur tebu kümogo,” ta ashi.
Louis indang taoba tetong stylist, Briana Jungwirth-i Hokolbar nü tebur ka asoba sülen arishi küm 24 Louis-i, pa tebu ka akümba atema kanga pelar, ta ashi.
“Yashi ozü jabaso aso ta ashitsü ni kanga pelar. Pa temang anema lir aser kanga tesüngmangtsüka, Ni kanga pelar!!,’ ta Tomlinson-i January 23, 206 nü twitter osang ka ajanga ashi.
Maneni pai tanga twitter ka ajanga, ‘Daddy daddy cool’ ta zülua menüremba jakden (smiley) asem keta lemsatep.
Tang tashi nungbo kasa kentener telok nungi Harry Styles-i dang tenüngsang agüja lir.
Louis’er medemer kati, “Tena tesentaktep meliaka Louis-i Briana ji tetsür tajung ka aser tetsü tajung ka asütsü ta bilemer. Louis-i senotsü ajanga Briana yarir aser tanuri nüngdakba maparen ajunga nung yariteptsü mulunga lir,” ta ashi.
Briana mashisa akümba osangji People magazine-i mezüng yaküm July ita nung sangdonga liasü. Tena indang külem tembar kari People magazine dang, “Louis kanga pelar aser tebu ka akümtsü atema kanga yongtar aser Briana ji tanur tetsü tajung ka asütsü ta pai bilemer. Mezüngbo iba ya mamangtsüka liasü, ajisüaka pa aser Briana na kanga tembar tajung aser ibaji ajanga ano tena tesentaktep tajungba akümer,” ta shia liasü.
“Louis aser Briana na kati ka atema kanga bilemtsür aser taoba ita ishika tena külemi mapang kanga intokdar. Tena tesentaktep (nüknürar) meliaka tenaprong kanga pelar, tenapronglai tanurji kanga yongyar,” ta paisa shia liasü.
You must be logged in to post a comment Login