‘One Night Stand’ film atema kanga meranga inyakogo:Sunny Leone

Mumbai, April 15, 2016 : Actress Sunny Leone-i, lai shilem agiba romantic drama film “One Night Stand” reprangba sülen nüburtemi kechi bilemdir ibaji metetner, kechiba süra ni iba film asoshi kanga meranga inyakogo, ta ashi.
“Ni sayaba film tangatem dang nungi iba ya balaka lir. Ni film nung kanga junga shilem agitettsü mechi kanga meranga inyakogo aser ni bilemba ama junga shilem agiteter ama nibo bilemer,” ta Sunny Leone-sa ashi.
“One night Stand” film nung Tanuj Virwani-i Sunny kangasa aginer amai shilem agia lir.
Jasmine Moses D’Souza-i direct asüba film nung Nyra Banerjee aser Narendra Jetley naprong  angutsü.
Iba film indang poster-a taoba ita sayaogo aser iba poster ya Sunny chichiba yimya dak tuluba rangloker adok.
Iba poster ya “One night Stand” film director aser producer na tebilemba senteper yangluba lir, ta Sunny-i ashi.
“Iba poster ya kü producer aser director nati purateta yangluba lir. Parnoki iba poster agi tuyuba mera nung oner aser nia ibaji pela agizüker. Aonung ka ajurutepba ajanga taküm nung temelenshi adokba otsü iba film ajanga sayur,” ta lai ashi.
Sunny ya film nung shilem agiba dang masü saka tanga mapa-a aika nung tekaten süa inyakdar.
“Ni kü perfume ka tenüng agi ‘Lust by Sunny Leone’ sayaogo. Iba sülen perfume tasen ka den cosmetics-a kar sayatsü sentong lir. Taküma Splitsvilla sentong ni ketdang asütsü aser ano ‘Beiman Love’ film-a memenui sayatsü. Iba den külemi kü indang online casino-a kanga junga odar. Anungji tarutsü atema mapatem kanga jangratemtsüka anendaka lir,” ta Sunny Leone-i ashi.