OnePlus 3T Colette Black limited edition sayaogo

March 16, 2017 : Olulu ajanga ashiba ama mesüi OnePlus 3T phone tasenba anüng sentsü nung masü. China nunger phone yanglurtemi OnePlus 3T Colette edition sayaogo saka tesasatsüka iba sentsü tasenba nung adokba phone yabo nüburtemi OnePlus website ajanga order asüdang meshimtettsü, aser online ajanga malitettsü.
Kanga ajema adoka aliba OnePlus 3T phone ya sentsü tanak nung phone tesülen parnok küm 20 ajungba anogomung tenüng nung ‘Colette logo’ inoksemer angutsü. Iba phone ya parnok indang taoba phone ‘Gunmetal’ aser ‘Soft Gold’ den mapa inyakbaren ajak mesüktepa alitsü. OnePlus 3T Colette phone ya 250 dang adoka ayoktsü.
Colette edition OnePlus 3T smartphone jenjang $510 alitsü aser March 21 nungi tenzüka Paris, Colette store nung ayok tenzüktsü. Iba phone nung angutsü mangutsüar mejangja.
OnePlus 3T phone ya Android smartphone tayokba jenjang tom nung aliba rongnung ajaki sapuba phone ka lir. OnePlus 3 (64GB) tejenba phone koba jenjang Rs. 27,999 dang nungi meyirjang 2 dang tali ajungketer OnePlus 3T angutsü. Tereprangtsü aser tasazük ajak kasadang saka phone tasenba nung 5.5-inch Full HD AMOLED display den Corning Gorilla Glass 4 dena lir.
Iba phone nung 64-bit 2.35GHz quad-core Qualcomm Snapdragon 821 processor den 6GB RAM aser UFS 2.0 internal storage (64GB mesera 128GB) densema lir.
Phone nung Sony IMX 298 sensor aser lens kümzüka ayutsü asoshi Sapphire glass densema tesülen camera 16MP alitsü. Taoba phone nung tejaklen camera 8MP aliba 16MP-i ajungketogo.
OnePlus 3T nung battery tashiji 3,400 mAH asütsü. Company ajanga ashiba agi minute 30 charge asünung anogo ka amshitettsü.
Phone nung ano USB Type-C port den 3.5mm headphone jack keta lir. phone nung SIM ana amshitettsü, saka microSD card-bo mamshitettsü.