OnePlus 5/5T atema Android 8.1 software update yakta angütsü

Metsüremi 11, 2018 (Agencies): OnePlus 5 aser 5T smartphones atema ‘OnePlus’ company-i parnok indang ‘beta program’ tasenba sangdongogo. Iba ‘beta program’ tasenba ajanga OnePlus indang tang tamshidak smartphone tem atema ‘Android 8.1 Oreo’ update angütsütsü. Iba ya beta program ka asünungji, tamshirtemi ‘Open Beta program’ nung subscribe asütsüla.
OnePlus puri iba update tasenba ya agütsü tenzükogo, aser tang agütsüba beta program update tasenba ya trok buba beta program alitsü. Iba ‘beta program’ tasenba nung Android 8.1 Oreo version tasenba keta lir, company-i ashiba agi, iba update tasenba nung features tasen ishiakbo bendenloka lir . Tongtingbangsa, OnePlus 5 aser 5T smartphone atema update tasen ka agütsütsü aser iba nung auto pickup gesture app tasen ka densema lir aser iba ajanga iba phone amshirtemi call aruba mapang nung phone ajungketa call agizüktettsü..
Iba temelenshi den külemi, OnePlus-ia temelenshi kar inoksemja lir. Iba phone nung ‘gaming mode’ tajungba inoka yangluogo aser ibaji ajanga phone nung game asayartemi ‘immersive gaming experience’ angutsü aser iba nung ‘adaptive brightness’ shibangtettsü, battery tashi wazüka yutettsü aser ‘notification blocking’ dena alitsü. Iba update nungsa Tsüklai 2018 Google security patch dena keta aliba angutsü.
Maneni, beta version tasenba nungsa ‘global roaming solution’ densema lir aser tamshirtemi OnePlus phone dak alaka smartphone tanga amshitsüsa kümra iba atema company-i backup app data feature bendenlokja lir. Tang tashi nung beta tasenba update ya ‘OnePlus 5 aser 5T’ atema dang alitsü aser iba software ya OnePlus website ajanga download sütettsü.