OnePlus 6T McLaren Edition nung 10GB RAM angutsü

Luchii/December 01 (Agencies): ‘Thunder Purple’ sülen tang OnePlus-i parnok indang nüngtugu OnePlus 6T special edition tanga ka sayatsü atema Formula 1 racing team – McLaren den longjemogo.
Alima ajunga nung McLaren-i OnePlus 6T McLaren Edition handset ya Luchii/December 11, 2018 nü sayatsü ternemba lir. OnePlus 6T special edition handset ya Luchii/December 12, 2018 nü sayatsü. Tang, MySmartPrice osang ajanga angazükba agi, OnePlus 6T McLaren Edition nung 10GB RAM aser 256GB storage keta alitsü. Osang sangdongba ama shitak asübo, iba hansdset ya OnePlus indang mezüng 10GB RAM smartphone ka asütsü.
Taoba mapang nunga OnePlus-i special edition smartphone tem yanglutsüogo. Item smartphone rongnung OnePlus 6 Marvel Avengers edition aser OnePlus 5T Star Wars edition na asütsü. OnePlus 6T smartphone atema Paris nung OnePlus-i Colette store den longjema liasü.
Tang shishilembadak teyokdak aliba OnePlus 6T smartphone ama edition tasenba nunga 6.41-inch display den 19.5:9 aspect ratio keta lir. Ajisüaka, screen jibo OnePlus 6 nung keta aliba 6.28-inch display danga tuluba asütsü. Display atema Optic AMOLED type aser 2,340 x 1080 resolution keta aliba angutsü. Screen nung notch design yanglushitsüogo, koba tila lir aser ‘teardrop’ ama asütsü. Company-i in-display fingerprint sensor inoksemtsüogo aser iba feature ji OnePlus indang smartphone rongnung 6T nung mezüng inoka yanglutsü.
Item feature tasen dak alia, OnePlus-i OxygenOS interface yanglushitsüogo. Iba feature yanglushiba ajanga Android 9 Pie den tajungba inyaktsü. Ano performance tajungba atema, iba handset nung feature talilatem talisa, Gaming Mode aser Smart Boost inoksema yanglutsü.
Handset nung battery tashiji 3,300mAh nungi 3,700mAh tashi timba kümdaktsüogo saka camera feature jibo taoba ama handset tesülen dual camera setup den primary 16-megapixel camera aser secondary 20-megapixel camera keta aliba angutsü. Selfie atema, handset tejaklen 16-megapixel camera keta lir.