OnePlus Type C Bullets Headphones India nung sayaogo

Rongjui/September 14 (Agencies): China indang handset yangluba company OnePlus-i parnok indang taruba OnePlus 6T smartphone den külemi USB Type-C wired earphones tasen ka India shishilembadak sayatsü atema Yangtepnü/Thursday sangdonga liasü. Iba headphone jenjang sen 1,490 asütsü. Type-C “Bullets” ta nüngja agütsüba earphone tasenba ajanga taoba “Bullets V2” dang nungi ola tejangjaba aser tajungba agütsütsü, ta company ajanga metetdaktsü.
Earphone nung ‘metal design aser aramid fibre’ inoka yanglutsüogo. Ibaji ajanga device indang wire takangba kümdaktsür. Type-C “Bullets” earphone ya Type-C USB port mashi den putepa amshitettsü aser OnePlus device tem nung jangoker benshitettsü.
Device nung semiconductor company – ‘Ciruss Logic’ indang ‘built-in high-end professional digital-to-analog converter’ feature inoksema yanglutsüba ajanga sound quality tajungba agütsür ta, company-isa ashi.
Analogue keta aliba standard 3.5-mm jack tanga den medemdangra, device tasenba nung ‘higher dynamic range’, ‘higher signal-to-noise ratio’ aser ‘low noise floor’ function tem keta aliba angutsü. Iba dak alaka tarutsü nung company-i nüngtugu OnePlus 6 den tatongtep smartphone tasen ka ‘in-display fingerprint sensor’ keta aliba sayatsü ternemba lir.
Tang smartphone timba ka nung in-display fingerprint sensors feature keta mali. Ajisüaka, Vivo smartphone tem talisa, Vivo X20 Plus UD, Vivo X21 den Vivo Nex aser OPPO R17 smartphone nungbo in-display fingerprint scanner densema lir.