Onok-Nenoki 1buba Open Penalty Shoot-out kokogo

Dimapur, May 27 (TYO): Chumukedima Ao Students’ Union-i ayongzüka May 27 nü 1st N.A.P football ground nung mezüngbuba Open Penalty Shoot-out Tournament kaogo.
Asayamong lapokba sentong Temsunaro lenisüba kübok aka. Sentong nung temoatsü meshia Police Baptist Church C.E.D Tialila Imchen-i sarasadem iba sülen sentong nung tetushi tesemdanger Chumukedima Village Council Chairman Razouvotuo Chatsu-i tajungshi o tatsüka jembi.
Asayamong nung telok ajak agi, parnok 32 liasü. Asayar rongnungi tambusangji arishi küm 64 aser tanubusangji ahishiküm 13 ta liasü. Final asaya Onuk-nenok aser Black Hornet-A na asaya aser Onuk-nenok teloki 5-4 agi akok. Asayamong nung best goal keeper Black Hornet-A telok nungi Chingmak nem agütsü aser iba sempet ya G-sports Chumukedima-i agütsü.
Takoker -Onok-Nenok
Runners-up -Black Hornet A
Winner: Centre circle shot- Salenthung