Onoki hon agi sen tsüngdar: ISIS

London, August 30 (Agencies): Tang alima nung kiralongrar rongnung takartiba ta jembiba Islamic State (ISIS) teloki video ka ajanga parnoki honlung agi parnok sen tsüngdar ta sayuogo.
Iba video documentary mesüka lir aser oshi aika agi jembiba lir. Video ajanga ISIS teloki hon agi sen tsüngdar aser iba ya 9/11 lendong atalokba sülen US asoshi “capitalist financial system of enslavement,” nung tanabuba tebilemtsü ka asütsü, ta SITE-i metetdaktsü.
Syria nungi ISIS activist, Abu Ibrahim Raqqawi-i video nung aliba shilem kar twitter nung enoktsüdang ISIS meyong hon sen, gold Dinar atsüngba factory noksa ka enoksemja lir.
Totzü o nisung shibelenba, auyaba aser ozüng alema saru meshiba mapatem ajanga ISIS telok sen kanga sashia aaer, ta osang kar ajanga ashi.
US intelligence ketdangsertemi aser mongintemi ashiba osang ka ajanga metetdakja ashiba agi, ISIS telok ya parnoksasa senotsü nung kanga tashi itta aoer aser ashiba agi parnoki totzü o nisung shibelenba, auyaba aser ozüng alema saru meshiba mapatem ajanga anogo nung US sen dollar asem bena aruteter.