Onoki shiba dangi aotsü? Yohan 14:1-7

Simon Peteri pa dang langzü, “Kibuba, onoki shiba dangi aotsü?” Yohan 6:68.
Meimchir million aikati kasa tasüngdangbaji asüngdanger- “onoki shiba dangi aotsü?” Aikati iba telangzübaji magütsüteteter! Parnoki bushir, asüngdangteper, langkabo lir ta teyimla anema yimlar, kari mesüra ajaki shidakba taküm tetezü aser nükjidongji agütsütsü. Yimya agi asen ajaki taküm nung tongtipang tasüngdangba asem telangzüba metetner: Ni shiba? Kechiba ni yangi alir? Ni koleni aor?
Aikati guru dangi ita, ita petinu takzür dangi aor. Taküm tia metettsü asoshi sen jenti entoka lia ashir, arasentsür, shiner, pungmang takzür dangi aikati horoscope nung repranger aser telemtetba agir.
Peteri pa tasüngdangba pa sasa tebur tenangzükba kati langzü: “Ne dak teti taküm o lir.” Yisuji asen taküm. Pa shibai asenok asoshi pei taküm agütsü pai asenok nem taküm tasen ka agütsü, tatok anguba taküm aser Pa den teti tatem maka taküm alitsü taküm. Asenoki Yisu aser Pa O dangi dang aotsü akok. Paji dang lemang, ochi aser taküm.
Kibuba Yisu, tepenja mapang aser yimjung mapang teti kü tamang ne dak lidakjang. Amen.