Onoki takok tashi toktepogo; Priyanka Gandhi

Lucknow, Metsüremi/March 8 (Agencies): Exit polls timbakati Bharatiya Janata Party (BJP)-i takok angutsü ta takzür aliba mapang ka nung Congress general secretary Priyanka Gandhi Vadra-i Mongolbarnü ashiba agi, lar party-i kanga meranga toktepogo.

“Onoki akokba tashi kanga meranga toktepogo. Result atema ata lidi,” ta Vadra-i ashi.

Vadra, shiba Mongolbarnü Uttar Pradesh nung party indang ‘Ladki Hoon, Lad Sakti Hoon’ campaign kübok sentong ka len anitsü atema Lucknow tonga aru, lai “tanü Lucknow nung iba sentong ya party indang tetsür candidate 159 atema lir. Parnoki ajungai kanga meranga toktepba ya kanga tulu aser International Women’s Day amungba mapang asenoki parnoka benjungtsüla,” ta ashi.

Züngsem 403 agi kümtetba Uttar Pradesh assembly nung sorkar kümtettsü atema menden 202 akoktsü nüngdaker aser exit polls temi BJP aser parnok den lokteper aliba party temi election ayong ayonga akoktsü ta takzütetogo.

News18-P MARQ exit poll-i, BJP aser parnok den lokteper aliba party temi menden 240, Samajwadi Party aser parnok den lokteper aliba party temi 140, BSP 17 aser Congress-i menden pezü akoktsü ta takzütsüogo.

NewsX-Polstrat exit poll ajanga, BJP-i menden 211-225, SP-RLD 146-160, BSP 14-24 aser Congress-i menden pezü mesera trok akoktsü ta takzüogo.

Kasa mapang nung Times Now-Veto exit poll-i ashiba agi, BJP-i menden 225, SP-RLD 151, BSP 14 aser Congress-i menden teku akoktsü.

India News-Jan Ki Baat exit poll ajanga BJP-i menden 222-260, SP 135-165, BSP 4 nungi 9 aser Congress-i menden ka nung asem shi akoktsü ta sayuogo.

Maneni Chanakya-ia, BJP-i menden 294, SP-RLD-i menden 105, BSP-i ana aser Congress-i menden ka aser tangari menden ka akoktsü akok ta shiogo.

Uttar Pradesh nung election tatembangbuba shilem agiba sülen exit polls tem sangdongogo. UP nung vote tem March 10 nü azüngtsü.