Onsara tesangra kinüngtsüi tongmelang kinungbo anishiba otsü.

(Par anogoji anepdang yipden nungi shishi dang nungi tenzüker)

Kinüngtsü       : Nashipongji, tanepa nabo süngoa mejemjungi tzütai aotsü sapisayangerba asü masüar, ji tsüin nung tzüshikhu lirji!

Kinungbo        : (Shitakbabo pa saker natzünai aoerba) Süngoji kanga junga melua liangno.

Kinungboto tzüshi ter asena bener tzü taa bener adok.

Kinüngtsü       : Nashipongji, nabo inyakseta asütsü, chi mechiyungdangbo molok daktoa aliba nungji khenyongi mesodaktsü ako.

Koda masü kinungboji joko molok to azünga ayutsüsa aküm. Alui aotsü mapang atong.

Kinungtsü       : Nashipongji, nabo tera taliako, ni matashii jilia or mi aputeta, jirong nung aliba aou to kar lepa atanerba asütsüako ya!

Kinungbo        : Süngotem o mitsüktsü naji kwa, na medemer den meilongi arung.

Kinungbo to ilonga oagi mi aputeta süngo moludaka yur aou alepi ai. Kinüngtsü to alu tonger jirong len angooker ayimoktsür.

Kinüngtsü       : Nashipongji, na küla talitapongako, aouji ter tashibo tebenshimano.

Idangji temeimtsusangji aou tenet dang leper lia ano asem lepsema bener adok. Chi chiyungtsü mapang atong.

Kinungtsu       : Nashipongji, chi chiyungdi, na küla ni yakta amitsür kümdaktsütsü atonger, shi ango kecha mechili asür, mekümtetsüako.

Kinungbo        : Temo o tetsü ajakji na chiang, teret dang ka inokjang.

Yamaji temeimtsü kinungbo to tesangra kinüngtsü tuagi inyakseta südaktsü

Lilir : SMS