Oppo F7 India nung Metsüremi 26 nü sayatsü renema lir

Metsüremi 13, 2018 (Agencies): Oppo India-i Oppo F7 ta nüngja agütsür smartphone tasen ka India nung sayatsüba sangdongogo. Taoba anogo ishika Oppo puri tweet kar nung iba smartphone tasenba ya India nunger cricket asayartemi amer sayua arudar, koba osang ajanga ashiba agi, Metsüremi (March) 26 nü sayatsü. Company puri iba dak sendakba nung tetoktepba ka ayongzüker asayaa arudar kong Tweeter amshirtemi phone amer tangokba cricketer tem tenüng ashitsü nüngdaker. Tang tashi nung Hardik Pandya, Rohit Sharma aser R. Ashwin nungeri iba phone tsenba amer tangokba jangjaogo.
Oppo F7 nung Apple iPhone X ama display temalen notch keter aliba angutsü. Iba phone nung 6-inch FullView display den Full HD+ (2160×1080 pixels) resolution aser aspect ratio 18.5:9 keter aliba angutsü. Iba phone ya octa-core MediaTek processor ajanga tashi agütsütsü akok aser 64GB storage den RAM 4GB aser 6GB, ta tapu ana nung angutsü.
F-series smartphones tem dak ajemdaker yangluba Oppo F7 ya selfie agitsüba atema tali temulung agüja yangluba phone ka asütsü. Osang ajanga ashiba agi, iba phone nung tejaklen 25-megapixel camera den noksa quality tajungba agütsütsü asoshi Artificial Intelligence keter aliba angutsü. Oppo F7 nung Augmented Reality face stickers aser beautification modes dena keter alitsü imlar.
Company-i tang tashi Oppo F7 jenjang kwi asütsü ajibo sangdonga mali, saka iba phone ya India nung sen 25,000 shi asütsü imlar.