Opposition-i linük jenjang nung longjemer raratsü: Mamata

New Delhi, February 13, 2019: Tanü New Delhi nung Aam Admi Party-i ayongzükba ‘Tanasahi Hatao Lok Tranta Bachao Rally’ nung Congress lenir- Anand Sharma, AAP tongti aser Delhi Chief Minister Arvind Kejriwal, BJP lenir Satrughan Sinha, Andhra Pradesh Chief Minister N Chandrababu Naidu, West Bengal Chief Minister, Mamata Banerjee, NCP lenir Sharad Pawar, National Conference lenir Farooq Abdullah, taoba Arunachal Pradesh Chief Minister Gagang Apang, DMK Lenir Kanimozi aser Janata Dal (S) lenir Danish Ali nunger tangokba noksa nung angur.

New Delhi, February 13 (Agencies): Tanü New Delhi nung Aam Admi Party-i ayongzükba ‘Tanasahi Hatao Lok Tranta Bachao Rally’ nung jembidang Trinamool Congress tongti aser West Bengal Chief Minister, Mamata Banerjee-i, democracy ya ‘Namocracy’ kümogo aser tang linük tensa ya Emergency mapang dang nungi tamajungba, ta ashi.
Laisa, NDA sorkar agientsü atema opposition party temi linük jenjang nung longjemer raratsü, ta metetdaktsü.
Jantar Mantar, New Delhi nung ayongzükba senden nung jembidang Trinamool Congress tongti, Mamata-isa Centre sorkar aitsüba olen ka nung, “CBI-i Kolkata police commissioner Rajeev Kumar’er kidang pa dang asüngdangyatsü merang saka tamakok angu,” ta ashi.
Tanü Lok Sabha senden tembangba sülen lai, “Parliament nung shimba züngsem ka ama tanü ya Ato kilonser atema tatembangbuba anogo lir,” ta ashi.
“Nisung ajaki Gabbar Singh tsübur. Ibaji nisung ana lir (Narendra) Modi aser (BJP Tir Amit) Shah lir,” ta lai ashi.
Tanü AAP-i ayongzükba senden nung adener opposition lenirtem rongnung- Congress lenir, Anand Sharma, AAP tongti aser Delhi Chief Minister Arvind Kejriwal, BJP lenir Satrughan Sinha, Andhra Pradesh Chief Minister N Chandrababu Naidu, West Bengal Chief Minister, Mamata Banerjee, NCP lenir Sharad Pawar, National Conference lenir Farooq Abdullah, taoba Arunachal Pradesh Chief Minister Gagang Apang, DMK Lenir Kanimozi aser Janata Dal (S) lenir Danish Ali nunger densema liasü.