Orenthung Bharat Scout & Guides Wokha Tir shim

Wokha, November 15 (TYO): November 15, 2019 nü Wokha DC Conference Hall nung Wokha Bharat Scout & Guides office ketdangpur tasen agizükba sentong aser Tritiya Sopan award agütsüba sentong nung Wokha DC, Orenthung Lotha Bharat Scout & Guides Wokha President shimogo, ta ketdangsertem osang ka ajanga metetdaktsü.
Iba sentong ya Wokha District Bharat Scout & Guides (BS&G) Association-i ayongzük.
Iba sentong nung jembidang DC-i, kaketshirtem atema teinyaktsü tongti mapaji kanga nendaka lesson bushitsüla, ajisüaka nisung tajungba akümtsü asoshi lenla ajaklen renloktsü atema extra co-curricular activities nüngdaker, ta ashi.
Paisa, item ama activities rongnung Bharat Scout & Guides movement densema lir, iba nung ya akhümket lir aser iba ya voluntary service ka lir, ta ashi.
Paisa, BS&G ajanga lanurtem tarutsü nung khuret metetba senso kaka kümdaktsür, iba denji külemi shi aser shisatsü naprongla renlokdaktsür, ta ashi.
Iba sentong nung Wokha district kübok school balala nungi kaketshir 28 (Scouts 12 aser Guides 16) nem Tritiya Sopan award agütsü.
Iba dak alia item ketdangsertem office ketdangpur shim, DOC (S) H. Orenpomo Ngullie, DO (G) C. Bichamo Shitiri. Iba sülen Chairperson Lotha Eloe Hoho, Zuchobeni Ezong-i o tatsüka jembia liasü.
Iba sentong ya Head Teacher (GMS) cum District Commissioner (G) BS&G, Wokha leniba nung agi, Erenbeni Odyuo-i lokti pelaa agizükba o jembi aser District Training Commissioner (S) Wokha, T. Mhonbemo Kikon-i tepela anküp o jembia liasü.