Oriamo Studio-i OEB-H66D introduce süogo

Metsüremi/March 23 (Agencies): TRANSSION Holdings indang smart accessories brand oraimo-i Studio OEB-H66D ta nüngja agütsüba headset tasen ka India nung sayaogo. Iba headset jenjang sen 2,999 asütsü.
Headset nung round ear design, cushioned ear tips aser HD sound keta lir koba ajanga mapang talangka atema music aser ken ayonga angatetter.
Brand-i ashiba agi headset nung control features tem ayonga amshitetter. Smart device mashi ka den connect süa amshitsü atema headset nung Bluetooth Version 4.2 inoka yanglutsüogo.
Studio headset nung ghonda 200 standby time aser play den talk time ji ghonda 20 asütsü.
India ajunga nung mobile accessories aser electronics stores balala ajanga headset ya angutsü.
Maneni, oraimo-i parnok indang power banks, Bluetooth aketba device tem (earphones aser speakers), battery, flash drives, chargers aser wearable devices atema one-year replacement warranty agütsür.
Iba den külemi, data cables aser earphones atema ita 6 replacement warranty den Micro SD cards atema lifetime replacement offer agütsütsü ternemba lir.