Orlando lendong atema ‘Hands’ ken mejem

Los Angeles, July 06 (Agencies): Taoba ita Orlando nightclub nung asürtem atema sen lenmang bushitsü atema kentener nisung 24-i ken tasen ka record süogo aser kentenertem rongnung Jennifer Lopez, Gwen Stefani, Britney Spears, Selena Gomez, Jason Derulo, Meghan Trainor, Juanes, Pink aser Mary J Blige nunger densema lir.
Kentener aikati shilem agiba ken ‘Hands’ ta Interscope Records indang charity single ka lir, aser iba ken ya pop kentener Justin Bieber indang ken “Sorry” yaritepa zülusang aser Selena Gomez, DNCE, Fall Out Boy den Stefani nunger ken zülusang kenzülur nüngtugu, Justin Tranter-i zülu, ta Billboard osang ajanga metetdaktsü.
June 12, 2016 nü Orlando nung nightclub ka amakdang nisung 49 asü aser nisung 53 yirua liasü, aser iba ya America nunger otsü nung nisung timtiba kahsetba lir. Iba ken ajanga aazükba senji asürtem kinüngertem atema medical teyari, counseling den parnok shisaliok atema amshitsü.
‘Hands’ ken ya iTunes nung angutsü. Iba ken nungi aazükba senji Equality Florida Pulse Victims Fund, GLBT Community Center of Central Florida aser GLAAD nem lemtsütsü.