OSANG TAJUNG KEN KAKET NUNG KEN KAR NUNG TEMELENSHITSÜ INDANG

 

 

~  S. MEDEM KICHU, LIRIE COLONY Kohima

 

Ano maneni ken kar nung temelenshitsü bushitetba yangi lemsateper

223. a)    Ken No. 223. Petinu kar adoktsüama? (Will there be any stars)

        Iba ken 2nd stanza 3rd line nungji nü indang ayong ka teti yima lir, “Will there be any stars”? ta zülua lir. Iba tetezü ya petinu kar angutsüama? Or agütsütsü ama ta ashirba lir. Saka asenoki iba O ya adoktsü ama ta meyipzüka amshir koba mashilen O lir, kechi aser adoktsü O angutsü na ya kenyongi tetezü balala lir. laishiba nunga Kodak nung petinu korang angutsü or agütsütsü ta dang shia ali, petinu kar adoktsü ama ta shia mali. Aji asü nung “petinu kar angutsü ama” ta melen nung tapet.

1. b)    Ken No. 385:- Na Yisu zü nung shidokoggo ma? Are you washed in the blood?

        Iba ken 2nd stanza 3rd line nungji Nü indang ayong ka teti yima lir, idakji na or shidokangma ta asenoki atener. Saka yangi O jang ka tai zülusema lir. idakji na or shidokangma ta melena Yisuji na or shidokang ma ta ang zülua lir. yisuji ta masü, saka aseni teti amshiba O “Idakji” jagisa melentsüla ta shisemer.

        Iba aibelen O ya 2006 Edition nungi tenzüka lir aser yimya agi kodangsa Edition/Reprint asütsü kümdir, tejen copy ji jungjunga reprangshir ang printing press jagi yoktsüla, yamaji mesüra ojang taiji teti dang maneni aotsü aser tesülen mangatettep adoktsü.

1. c)     Ken No. 134:- Tatidang nüm temesüzükdaktsü. (Yield not to temptation)

        Iba ken origina kenji Sacred songs & Solos (SSS) (Sankey) ken kaküt  nung No. 698 nung lir. yangi 3rd stanza tatempangba line nung shidakba kensüji, M:-/r:d:r/d÷ ÷ ta lir. Saka asenok ken kaket nung M:- :m/r:d:r/d ÷ ÷ ta ang lir. iba kensü ya tai lir aser yangi aibelen adokbaji iba line nung M ana (2)  amshiba ajanga adok aser iba yagi Leplazü nung tatümpangba line den kensüji meyoktepdaktsür. Saka 3rd stanza tatümpangba line aser leplazü tatümpangba line nung ojang aser kensü anapronglaji palala lir. English ken kaket, “The Christian Life Hymnal” kaket nunga No. 454 nung lir aser Sankey kaket nung aliba kensü nung lir. Ken kaket tejenba, Staff Notation madokdang amshiba asen Aor osang tajung kaket nung O aser kensü ajak Sankey kaket nung aliba ama shidak lir.

1. d)    Ken No. 365:– Yisuji Alima rangpen. (Jesus is all the world to me).

        Iba ken nunga asenoki heading nung aliba English O tetezü tai meyipzüka amshir. Asenok Ao O nung ashiba tetezü yabo, Alima ajungaji Yesu meyong mesüra alima ajunga nung Yisu dang kibur lir ta ang ashiba O lir.

Saka ken zülur-i ashiba O yabo yamaji masü. Pai ashibaji, alima ajunga dang nungibo ni atemabo Yesuji dang lir ta ashiba O lir. pa tenüng ya Will Thompson aser New York yimti nung liasü. Pa sangro (poem) zülutsü nung kanga dang ajungba agi nübortemi kanga dang tushia liasü aser alima Rongsen nunga takar aküm. Saka pai item ajakji toktsür Yisu atema ang sangro aser kentem zülutsü shimtet. Alima ajak agüja-aka item tepela ajakji amajok ta ashiba O lir.

Ken tetenzükba line nung Yisu Khrista ni atema alima Rangpen ta ashiba ya tetezü kecha madoker. Rangpen ojang ya amshiba yagi iba ken nung tetezü mashilen meyiptet ta ajiteter. Iba melena tanga ojang (another word) ka amshi nung tajungba meyiptettsü.