Osang tiyazü prokshiba Facebook-i metetdaktsütsü

January 21, 2017 (Agencies): Facebook nung osang tiyazü prokshiba tajemba kümdaktsütsü asoshi Facebook ajanga osang nü nem metetdaktsütsü asoshi sentong tasen ka yangluba mapang lir.
Iba osang ya Facebook nung News Feed indang Vice-President, Adam Mosseri-i University of California Berkely nung ‘Separating fact from fantasy: Is fake news undermining the truth?’ indang onük nung o-intepba mapang metetdaktsü.
US Tir Donald Trump nem kokdaktsütsü asoshi osang tiyazü Facebook nung prokshia liasü, ta nisung aikati Facebook nem tai tongloktsür.
Facebook nung osang tiyazü prokshiba nokdangtsü atema iba company ajanga asalentong balala inyakaka ajakbo menokdangteti lir.
“Facebook nung osang tiyazü prokba ya election magidang nungi liasü, aser Facebook-i iba nokdangtsü asoshi kanga meranga arur. Saka election mapang nüburtemi ola adokba ajanga ken-o balaka kümdaktsü,” ta Mosseri-i ashi.