OST Nurse atema NSACS-i anogo 2 training katsüogo

Kohima, Chiteni, July 12, 2019 (TYO): Nagaland State AIDS Control Society (NSACS)-i July 11 aser 12, 2019, anogo ana tashi Oral Substitution Therapy centre Nurse of Targeted Intervention; facility & Satellite OST center training agütsüogo.
Iba sentong ayongzükba ya, OST centre nung Nurse tem dang OST Program Management densema Dose Management; Strengthen systems of Satellite OST; Index testing; ART aser VL services maparen nung training agütsütsü nükjidong nung liasü.
TI Division NSACS, Joint Director-i jembiba mapang, lai , tsüngluruwa mongpu süaka timtem ajak arema district balala nungi iba training nung adentsü asoshi arurba atema telok pelashishia agizük.
Anogo ana taining ya tajangshiba tasen ka ama agizüktsü asoshi sentong nung adenertem lai ayongzüka liasü.
Iba denji külemi, training atema senotsü tsütsü nungitba asoshi Project Sunrise – FHI360 dang lai pelaba metetdaktsü.
Nagaland nung NSACS kübok OST centre 31 lapoka lir. OST centre ajanga clinical tetuyuba nung ozüng alema temesepba mozü achirtem nem tanga mozü agütsür. Ibayongji, mozü achirtem anepaluba dak alia, ozüng alema mozü achirtem HIV aser Hepatitis tashidak nungi kümzüka yutsür, aser iba denji külemi rongsen aser mapang kümzüker.
Maneni, anogo ana tashi ayongzüka agiba training mapang, onüktem talisa, mozütem asadangba aser mozü mekümdangi amshiba; Harm Reduction; Opioid Substitution Therapy – asadangba; Assessment & diagnosis; Index testing; Viral Load; Strengthening Satellite OST centre aser Documentation nunger nung tesayuba agüja liasü.