Otsü agi taküm yanglur

~ S. Nuken Longkumer, Kezieki, Kohima.

Nü dak temeim melira mapa ajak amajok, nü dak temeim süngjang melira na kodanga alima nung nungtugu makümtsü. nüngtugu nisung dak temeim sempet tajung aika angutsü. Alima nung takar taküm aika nungtugu mekumtet lir, kechiaser parnoki tzüim nung temeim metsü meyok, anungji tanü asen lima yamai majung aküm. Taküm nung tangar den shisatsü lemsateptsü, aser lenmangtem sayutsü kecha tejembitsü maliba tensa mapang ka nung asenok lia aser, tanü mopong putu ka nung asenok lir, joko tenük agi anguba ajak inyaker teinyaktsü mapa aikabo mali akümmer. Kechi jembitsü, kechi inyaktsü tanguba kechai temulung jangra matemer koda asütsü? Alima rongseni tenük masünger joko yi jema alima jangratemtsü inyakba ajanga jangrabo matemer; Tesüiba mapang Mrs. Alongla Wati lai yamai ashiba bilemteter, “anogo ka nung sen ter Rs.10/- manguba Naga nunger taküm aika nüktsüyima lir, parnok dang shibai temeim sayuteter! “ Tanü Naga lima aisü nung gari lenmangtem junga meyanglutetba timtem ajanga sensaker aika akümtsüsa mapang agi bener arutsüogo, lenmang ya takarsang aser long lisem oset jendi Hon ama asen lima nung angutsü lir, saka lenmang tajung makai tangar lima ajanga asen Naga nunger teimba jajateper. Hongkong lima ajungba indang nükshia jembir, shisadangang, bilemdangang, asenoki asen alitsüba ki yangludang to R.C.C nung inoksemadoker masü na ! Anungji Hongkong lima ama maküm, bilemteter ni yamai majung inyak no, temeim makaba tulur karibo sensaker rongsen nungi agizüker R.C.C yanglutetogo, ashiko iba rongsen ya tsürabur nungi bendena aliba nungi yanglu asütsü, joko kanga kümdangtsü mapang lir. Jembidi ta asü nungbo aika dang lir, tulur takar joko kanga kümdangtsü mapang lir, tulur takar joko nenoki lenmang ya kanga junga yangludakjang. Naga nungertem aika takar akümtsü yongyar, khristan lima ta jembiaka Tsüngrem temeim mangatetba tamangertem aika asen Naga lima nung lir, tanü takartemi Naga nunger taküm aika nüktsü yima yutsüba ajuruogo. Naga lima tesem balala nung temulung teraksa nübo ola madoktetba tejashi khuret bener teimla samar aliba taküm aser kibongtem jendi ajuruogo ? Kechiba nükla sama, rongsen mali nung nükla sama, kechiba rongsen maka , azümesen ajanga bena maru, Naga nunger ya azümesen kin masü, mapa maliba agi azümesen akümba dang asütsü, mapa agüjang Naga nungeri akoktsü, (1) Lenmang yanglutsü sen chiadok (2) Sensaker sen Chiadok (3) Industry sen Chiadok, ano kechi sen achitsü renema lir, Kechiba Naga nuger dang azümesen ta aja?  Paper Mill ama aser Sugar mill agi kechi aküm ? Tanü nenok dang toktepa Kohima, Dimapur yimti nung R.C.C yanglu nung majungtsü, Gari tasen tasen aliba jagi majungtsü! Joko zünger mapa mangurtemi ayimtentsü! Arudarji repranga liang! Lenmang tajung masü tajungtiba yanglutsütsü yimlar, ibaji Naga nunger ajaki Election ola asütsüla.