Otsü agi taküm yanglur

–          S. Nuken Longkumer, Kezieki, Kohima

 Nü dak temeim melira mapa ajak amajok, nü dak temeim süngjang melira na kodanga alima nung nüngtugo makümtsü, nüngtugo nisung dak temeim sempet tajung aika angutsü alima nung takar taküm aika tanü nüngtugo mekumtet lir, kechiaser parnoki tzüyim nung temeim metsümeyok, anungji tanü asen lima yamai majung aküm, taküm nung tangar den shisatsü lemsateptsü aser lemangtem sayutsü kecha tejembitsü maliba tensa mapang ka nung asenok lir aser, tanü mopung putu ka nung asenok lir, joko tenük agi anguba ajak inyaker joko teinyaktsü mapa aikabo mali akümer. Kechi jembitsü, kechi inyaktsü, tanguba kechai temulung jangra matemer koda asütsü? Alima rongseni tenük masünger joko yi jema alima jangratemtsü inyakba ajanga jangrabo matemer; Tesüiba mapang Mrs. Alongla Wati-i yamai ashiba bilemteter, anogo ka nung sen ter Rs.10/- manguba Naga nunger taküm aika nüktzü yima lir, parnok dang shibai temeim sayuteter! Tanü Naga lima aisü nung gari lenmangtem junga meyanglutetba timtem ajanga sensaker aika akümtsüsa mapang agi bener arutsüogo, lenmang ya takarsang aser long lisem oset jendi Hon ama asen lima nung angutsü lir, saka lenmang tajung makai tangar lima ajanga asen Naga nunger teimba jajateper.

Hongkong lima ajungba indang nükshia jembir, shisadanga bilemdangang, asenoki asen alitsüba ki yangludang tu R.C.C nung inoksemadoker masü na! Anungji Hongkong lima ama maküm, bilemteter ni yamai majung inyak no, temeim makaba tulur karibo sensaker rongsen nungi agizüker R.C.C yanglutetogo, ashiko iba rongsen ya tsürabur nungi bendena aliba nungi yanglu asütsü, joko kanga kümdangtsü mapang lir, jembidi ta asü nungbo aika dang lir, tulur takar joko kanga kümdangtsü mapang lir, tulur takar joko nenoki lemang ya kanga junga yangludakjang Naga nungertem aika takar akümtsü yongyar, Khristan lima ta jembiaka Tsüngrem temeim mangatetba tamangertem aika asen Naga lima nunga lir, tanü takartemi Naga nunger taküm aika nüktzü yima yutsüba ajuruogo, Naga lima tesem balala nung temulung teraksa nübo ola madoktetba tejashi khuret bener teimla samar aliba taküm aser kibongtem jendi ajuruogo? Kechiba nükla sama rongsen mali nung nükla sama, kechiba rongsen maka azümesen ajanga bena maru, Naga nunger ya azümesen kin masü, mapa maliba agi azümesen akümba dang asütsü, mapa agüjang Naga nungeri akoktsü.

(1) Lenmang yanglutsü sen chiadok

(2) Sensaker sen Chiadok

(3) Industry sen Chiadok.

Ano kechi sen achitsü renema lir, kechiba Naga nunger dang azümesen ta aja? Asenok ajak Naga nunger dang lir, anungji 50×50 lemsatepa agitsüla yamaji mesüra asen lima tamajungba akümtsü kwika lir, timtemji onsara kümogo! Paper Mill ama, Sugar mill, Cement Factory Mill, Car jajaba Mill, shiruru Mill, tanü nenok dang toktepa Kohima, Dimapur yimti nung R.C.C yanglu nung majungtsü, gari tasen tasen aliba jagi majungtsü! Joko zünger mapa mangurtemi ayimtentsü! Arudarji repranga liang! Lenmang tajung masü tajungtiba yanglutsütsü imlar, ibaji Naga nunger ajak Election ola asütsüla.

You must be logged in to post a comment Login