Otsü tabensa ka – T. Ken 136:10-26.

Asenok akaba otsü rongnung Israel otsüji dang tabensa otsü lir. Ibai koda tenzük, koda ain, tanü ibai lir aser iba tanüngba otsü kong alitsü- Tsüngrem o dang pelaang.
T.ken 136 nung ken züluri Israel otsü meyipa ajir. Pai reprangdang, pai Tsüngrem taochi angu. Pai Israel asoshi tesüngmangtsü mapatem asem inyak: Pai parnok anitet; Pai parnok ani; Pai parnok anir ait. Tanü Tsüngremi asenok kasa yimya nung anepalur.
Tsüngremi Israel nung Ejip alar talenba nungi anitet (t.10-12). Ibaji alangzükba. Idangji Pai parnok Temerem Tzüyim aser arem ajanga anir aru. Tatem nung Pai parnok tenangzükba limai anir aru. Mamangbayong tejen putu pur asü, saka putu tasen pur sentsüwangshi aser ain tulu nung ait aser parnok senmang akang.
Tsüngremi tanü ibaji asenok asoshi inyaknü.Pai asenok temenen lar nungi nüji süa lidaktsüner. Pai asenok taküm tzü tarok aser arem nungi anitet, Pai asenok asoshi yuja aliba senmang agidaktsüner.Tsüngrem den asenok otsü terenem.
Tanü nai tia kar tamakoktsü ama ajuruya alitsü akok. Tsüngremi lenmang lapoktsütsü ta amangang. Pai na ne timtem nungi anitetjang aser ne senmang dangi anir arudakjang.