Ozü tanurtemi actor mekümner

Los Angeles,  June 18, 2016 : Actress Angelina Jolie-i, ozü tanurtemibo ni ama actor mekümner, ta ashi.
Jolie’er tanur trok lir- Maddox (14), Pax (12), Zahara (11), Shiloh (10) aser arishi küm tenet tain jakrep Vivienne aser Knox na.
“Ozü tanur rongnung katia actor mekümner. Parnoki ken tsütsü tejangraba tuluba lir,” ta Jolie-i BBC Radio 4, Women’s Hour nung jembiba femalefirst.co.uk osang ajanga metetdaktsü.
“Parnoki tema nungibo film inyakyim kanga sapur. Mad-i film edit asütsü kanga jangrar. Pax-i ken kanga meimer aser DJ mapa kanga sapur,” ta lai ashisem.
Taoba mapang Jolie-i par tanurtem tsüngda oshi tenet angazükteper ta shia liasü.