Ozü tanurtemi kü mapa ya temela amai bilemer:Jolie

January 17, 2016: Actress aser film yanglur, Angelina Jolie’er tanurtemi la mapa ajak kanga temela amai bilemer.
“Kung Fu Panda 3” film nung la den külemi inyakba sülen lar tanurtemi la mapa atema tangatetba balaka aru, ta Jolie-i ashi.
“Parnoki asenoki inyaknüba ama inyaker amai bilem aser ibaji tangatetba khenyongi balaka lir… parnoki mezüngbo kanga aakmesena liasü, ajisüaka tan yabo parnok ajaki iba film nung kanga mulungsoa aser tereprangnütsüka shilem agia liasü,” ta laisa ashi.
“Anungji tang parnoki shilem agidangba sülen, parnoki kü mapa ya kanga temela amai bilemer,” ta femalefirst.co.uk ajanga metetdaktsü.
Arishi küm 40 tain, Jolie ya iba film nung sübotsü tanak den tsüngsem ajungketa asemba agi kanga tajinütsü ka angur.