Ozüng alema aruba Bangladesh nunger khasettsüla: BJP MLA

New Delhi, Chiteni (July) 31 (Agencies): Ozüng alema arurtem parnok linüki meyipa moura khasettsüla ta Telangana nungi BJP MLA T Raja Singh Lodh-i ashi.
“Ozüng alema arurtem Bangladeshis aser Rohingya nungertemi timi parnok linüki meyipa moura, parnok oshi nung angatetdaktsütsüla. Parnok khasettsüla. Yamaji asü nung dang India lendong nungi jenbua alitsü” ta Goshamahal nungi MLA-i ashi.
India nung ozüng alema aliba Muslim nungertem parnok linüktemi meyipa yoktsüla. India kümzüktsü atema parnok yoktsüla aser parnoki aotsü memulungra, prangpong agi tuiter meindoktsüla, ta paisa metetdaktsü.
Parnok Bangladesh-i meyipa yoktsübaji sorkar indang tebilemtsü lir, ta T Raja Singh-isa shisem.
Assam nung National Register of Citizens (NRC) final draft sayaba nung nisung lakh 40 dak tema züngdokba sülen pai iba olen jembi.
Ozüng alema arurtem dak injang khaloktsütsüla aser meindoktsüla, ta T Raja-i ashi.
1971 liberation war mapang Bangladeshi nunger aika Assam-i aru aser iba ya India samatsütsü tasa atongba nung shilem ka liasü, ta paisa aitsü.
Paisa, iftar party ayongertemji vote meshimetsürtem lir ta taoba mapang shiogo.
T Raja-i Holy Quran indang jembidang, kiralongraba prokshia aoba ya “green book” ajanga lir, ta ashi.
Mughal aser British India nungeri küm noklang aika India madak yimsü asübaji “secularist Hindus” ajanga liasü, ta paisa jembi.
T Raja-i ashishitep aketba onük aiben jembiba atema Hyderabad police-i pa anema ken o aika benokogo.