Ozüng raksaba atema Lindsay Lohan tetsü Dina apu

Aenjeti/January 13, 2020 (Agencies): Hollywood actress Lindsay Lohan tetsü Dina Lohan, temesepba chiyongtsü chiajemer gari aniba atema aitsü.
January 11, 2020 nü la apuba sülen la anema ken o benok, ta aceshowbiz.com sangdong ka ajanga metetdaktsü.
Arrshi küm 57 tain Dina ya la indang 2016 Mercedes nung mener oya aliba mapang lai New York nung restaurant ka kima tanga gari ka dak atsük aser jena ao ta osang ajanga metetdaktsü.
Lai atsükba gari nung mener alilai la sülen anidak aser lar ki tonga ao kong la police temi ataa liasü.
tmz.com sangdong ka ajanga ashiba agi, lai sobriety tests agitsü asoshi nongnang aser DWI atema la custody nung ayu.
La Deobar anepdang okadaki anir ao, kong lai aibelena mali ta ashi aser mapang tatsüka lir la chiok.
Dina ano Bodhbarnü, January 15, 2020 nü tanaben okadaki aotsü, ta Nassau County nung ketdangsertemi ashi.
La 2013 küm DWI record dak sendakba nung aija lir. Iba mapang lai gari kanga kara aniba atema sepaitemi sot aser legal limit dang nungi gari anaben agi tali takaraba aniba ngutet.
2014 küm obendangba mapang lai la aibelenba nangzük aser iba sülen la dang community service tembanga inyaktsü aser senchi agütsütsü asoshi tuyu aser la indang licence suspend sütsü. Kasa mapang nung lai tanaben aibelen masütsü obendanger dang nangzüka liasü.