Dimapur, April 15 (TYO): Dimapur district nung Administrative Officers/magistrate aser medical personnel senzüsenbongba nung kija mesüra village/colony ketdangsertemi timtem magütsütsü metetdaktsür, ta Dimapur DC & DDMA, Dimapur Chairman-i ashi.
Maneni, COVID-19 dak sendakba mapa inyaktsü atema district ketdangsertemi temelaba agüja mapa inyakba kija/NGO tem aser sorkar/temelaba agütsüba teloktem atema ayangertem senzüsenbongba nung kija mesüra village/colony ketdangsertemi tenokdangba mesüra timtem magütsütsüla, ta paisa ashi.
Iba tetuyuba sülen manidakba kija/teloktem Disaster Management Act, 2005 aser IPC kübok temerenshi alitsü, ta Dimapur DC & DDMA, Dimapur Chairman-isa metetdaktsüogo.
Ozüngi melartem senzüsen-bongba nung timtem magütsütsüla added by nungsang on
View all posts by nungsang →
You must be logged in to post a comment Login