Ozzy den ajak tajung:Sharon Osbourne

October 17, 2016 : Arishi küm 64 tain, Sharon-i, kinungbo tena küm 34 lia aruba tesendaktep junga dang lir, ta ashi.
Sharon-i, “Ajak junga dang lir. Ajak lenmang shitak nung lir,” ta ashi.
“Angaliang, kü taküm ya temoatsü agi sünga lir. Ni tang inyakbatem inyaktettsüsa aliba ya ni kanga tia taka. Ni kü kinungbo dang azü (dog) tamajung ta ajar. Pa shitakba azü tamajung asütsü akok saka pa kü ndang azü tamajung. Ni arishi küm 18 asüba mapang nungi ni pa metet aser joko tang ni arishi küm 64 lir, nenokia aji bilemdangang,” ta lai ashi.
Ozzy den jala ana Aimee, 33, aser Kelly, 31 aser jabaso Jack, 30 agi sosema alila aser ‘X Factor’ sentong nung tetendanger inyakla, Sharon-i, Black Sabbath nung kentensang, la kinungboi khen len aibelena nemzüba mapang lai la taküm ajungba shisadangtsü maongka angu aser asen taküm arishi ya kanga tatsü ta asadangtsü mapang angu, ta ashi.
‘Good Morning Britain’ sentong nung jembiba mapang lai, “Ni mapang tamajung ajangdanga arutetogo aser iba mapang asen taküm arishi kanga tatsü anungji asen temeim aser kibong ya kang senti ta angatet,” ta ashi.
Ozzy-i la ashioktsüba ajanga tena May ita nung khen pila aser ibaji sür tatsü ka lir külen pa shi jangraba mazüokteti küm trok tashi lia aruba otsü temai adok. Anungji la temulung süngzüktsü atema  ‘The Talk’ sentong nung ita ka sodi agia liasü.
Arishi küm 67 tain, Ozzy-i tan ita tetenzüklen Sharon arishi küm 64 ajungnü la nem memetetdaktsüi ‘The Talk’ sentong nung aoksa naro tejong ka agütsü.
Pai la nem naro magütsüdang ”happy birthday, darling” ta shir la dak tebang mesep.