P.B Acharya-i Guru Nanak Jayanti salem metetdaktsür

Dimapur, November 12 (TYO) : November 14, 2016 nü Sri Guru Nanak Dev 548 buba tasoba anogomung nung ni Nagaland aser alima tesem balala nung aliba Sikh nunger ajak den salem abener, ta Nagaland Governor, P.B Acharya-i sangdong ka nung metetdaktsü.
Guru Nanak Jayanti mesüra Gurpurab ya Sikh nunger atema tongtipangtiba anogo ka lir, kechiyong iba anogo nung parnoki Sikhism sentsüwangshidaktsür. Guru Nanak Jayanti ajanga mezüngbuba Sikh Guru Guru Nanak asoba bilemteter, ta P.B Acharya-i sangdong nung ashi.
“Iba benjung nung ni Sikh nunger ajak dang Guru Nanak tesayuba ajanga tali ajungmesotsü aser iba senmang lanu putu nem benloktsütsü atema ayongzüker. Iba benjungmung nungsa ni Sikh nunger dang Swachh Bharat Abhiyan (Clean India Mission) aser Beti Bachao Beti Padhao Campaign nung shilem agitsü ayongzüker,” ta Nagaland Governor-isa shisem.