P.B Acharya-i ITC Longwa nung mapa meinyakba atema mepelar

Dimapur, October 29 (TYO) : October 28, 2016 nü Nagaland Angh, P.B. Acharya-i Mon kübok Longwa nung Chief Angh’er ki aser tourism Guest House lapoktsütsü atema aodang, International Trade Centre (ITC) nung mapang tatsüka atema anenzük.
Iba mapang ITC senzüka yutsüba aser idakji kiset shirurutem ang mesüba angudang Angh-i mepelaba metetdaktsü.
Angh meina MLA Phowang liasü aser pa dang asüngdangdang, “iba tesem nungi adokba MLA tem aser nübortemi state aser Centre sorkartem dang International Trade Centre (ITC) yanglushitsü atema shiyonga arur, saka hau ta melii yutsüba ajanga iba tia nung lir” ta pai langzü.
ITC ya 1996 küm amentet aser 2006 küm Myanmar linük den shishilembatsü atema lapoka liasü.
Angh Acharya-i iba tesem nungi MLA aser public temi ITC ji shishilembadak ka kümdaktsütsü atema mapa inyaktsü aser India o Myanmar arrtsü anasa alirtem ajangzüktsü atema tanga trade centre ka ama maparen inyaka aotsü merangtsüla, ta ayongzük.
Angh-isa arrtsü anükertem – 35th Assam Rifles nungi Delta Company semdang aser idakji ketdangsertem aser jawan tem den ajurutepa sensaksem.