P.B Acharya-i Sonowal dang ozüng alema arurtem ajiteta meindoktsü tuyu

Guwahati, May 22 (Agencies): Assam Angh, P.B Acharya-i Assam Chief Minister inyaktsü alisang, Sarbananda Sonowal dang Assam nung ozüng alema arua alirtem ajak ajiteta meindoktsü atema tetuyuba agütsüogo.
Assam Raj Bhavan sangdong ka nung ashiba agi, Angh-i Sonowal dang National Register for Citizens (NRC) dak sendakba maparen ajak tembanga inyaktsü metetdaktsüogo.
Assam nung security maparen akangshitsü, ozüng alema arurtem ajiteta anientsü, tribal aser non-tribal tem tsüngda tesentaktep akangshitsü, education sector ajungkettsü, electricity aser connectivity maparen tajungba akümtsü atema Angh-i Sonowal dang ashi, ta sangdong nungsa metetdaktsü.