‘P.O.W.’ tanga film 22 den saku asütsü: Nikkhil Advani

October 3, 2016 : Film yanglur Nikkhil Advani-i, pai tang yanglua aliba “P.O.W. Bandi Yuddh Ke!” film ji Bollywood nung aliba film 22 den saku asütsü, ta ashi.
‘P.O.W.’ film ya ni kanga yongyaseta aliba television project ka lir. Iba film atema script zülur nung tenzüker actor tem ajaki kanga meranga inyakogo,” ta “Kal Ho Naa Ho” aser “D-Day” film tem yanglusang Advani-i sangdong ka nung ashi.
Ibai Israel TV drama “Hatufim” nungi agizüka yanglushiba lir aser iba otsü nung sepai ana küm 17 lir kidangi meyipa aruba angutsü.
Kechiba TV nungang iba otsü sayutsü mulungtet ta asüngdangdang pai, “Television industry-i ‘Quantico’ aser ‘Game of Thrones’ otsütem atema kanga meranga inyaktepa produce asüba asenoki angur aser item otsütem ya gondha trok talang lir. Yamaji ‘P.O.W.’ nung episode 126 lir aser aji Bollywood film 22 den saku asütsü,” ta langzü.
Iba otsü nung Purab Kohli, Sandhya Mridul, Amrita Puri aser Rasika Dugal nungeri shilem agia lir.