Dimapur, August 06 (TYO): Nagaland Transport, IT & Communication Minister, P. Paiwang Konyak-i asüng, Hokolbar nü Inter State Truck Terminus (ISTT) ki lapoktsütsü renema lir.
Nagaland Chief Minister, T.R. Zeliang-i ISTT kiji lapoktsütsü asoshi mezüngbo sentong renem saka pa ajungbena Delhi-i aotsüsa akümba yong pai iba sentong nung shilem magitettsüsa akümba osang jangjaogo.
Centre kübok Urban Development Ministry-i sen crore 14.15 agütsüba den külemi, Nagaland sorkar senpong nungi tanüngba sen crore 28 agizüka alimang acre 13 nung ISTT kiji sen crore 42 shi endoka yanglu.
Asemben tashi atongtepa asüba ki kilung nung driver aser handymen-tem yipzüktsü asoshi yipden 44 tashi renemba den külemi, khen nung osettsüset seret c.ft 2, 40,570 yutettsü aser truck garia 16 tashi anenzüktettsüsa ISTT-ji renema lir.
Osettsüset ayudak ana tashi renemba den külemi, gari yanglushidak, pollution testing centre aser iba amala nungdakba kiojen renemba osanga jangjaogo.
Contractor, Rokolhou-i aniba T. Tachu & company-i küm asem shi agia renemba ISTT kimalen khen nung gari 400 tashi anena yutettsüsa moapu sadema lir.
P. Paiwang Konyak-i ISTT ki tanü lapoktsütsü added by nungsang on
View all posts by nungsang →
You must be logged in to post a comment Login