Pa asen yimjung (Ef. 2:14).

Oda, meimchir nem parnok tai benshiba mezüngi meimchir, peisasa den putepdakja Tsüngrem Khrista nung liasü, aser teputeptsüba sayutsüngiba mapa onok nem agütsü. Khrista nung asenok Tsüngrem temeshibaji akümtsü asoshi, shibai temenen memetet pa asenok atema pai temenen kümdaktsü (2Kor. 5:18,21). Alima nung aliba süshia, kotak nung aliba süshia ajak Pa ajanga Tebui peisasa den putepdaktsütsü temulung chia liasü. Aser nenok akhidang mapang nung mapa tamajung nung temulung nung tsükchir küma pilaa liasü, aji saka tang nenok temeshi, tarak maket, aser tai makai Pa madang tendaktsütsü, Pai pa shi lemang nung tasüba ajanga nenok putepdaktsüogo (Kol. 1:20-22).Pai pei dak anaji tasen tasen nisung ka kümdaktsütsü asoshi, parnok tsükchitepba, oda yimsü nung aliba ozüng agi melaba, pai pei shi nung anendakja yimjung adokdaktsü (Ef. 2:15).
Ni nenok den tesünep toktsür; kü tesünep ni nenok nem agütsür; alimai agütsüba ama, ni nenok nung magütsür. Nenok temulung teraksa, aser tsübua teli (Yn. 14:27).
Kibuba Yisu, Ne tesünep nung iba lima nung pelaa tokjang. Amen.