Pa mejembitetba sempet asoshi Tsüngrem tenüng sangang (2Kor. 9:15).

Nenok alima ajak, Kibuba dang tepela ola yokang. Tepela agi Kibuba tenzükang; Pa tsüngdangi ken dena arung; Tenüngsang agi Pa süngkümi iang; Aser Pa talidaki sanga iang (T.Ken 100:1,2,4). Kechiyong asenok nem tanur ka soja lir, asenok nem jabaso ka agüja lir: aser Pa tenüng Tesüngmangtsü, Teshisadanger, Tsüngrem Tashi Tulusang, Teti Tatem Maka Tebu, Yimjung Chuba Chir ta ajatsü. Pa yimsüsüba aser yimjung züintsü indang, Dawid Chuba menden nung, aser pa yimli madak aji yanglutsü aser ochi aser temeshiba agi aji ajungkettsü asoshi tang tejangraba agi aji inyaktsü (Isa. 9:6,7).
Shibai pei chir mesoti asenok ajak asoshi pa bendanga agütsü, pai asenok nem pa den ano ajak angati magütsütsü ama? (Rom 8:32).
Tatem nung Pai pa parnok dangi yoka ashi, parnoki kü chir akhüm tsübutsü (Mk. 12:6). Pai ajungba asoshi, aser nisung chirtem dang pa tesüngmangtsü mapa asoshi, Nisungi Kibuba sangdakjang! (T.Ken 107:21). O kü nela, Kibuba moajang; Aser kü dak aliba ajak agi Pa temeshi tenüng moajang (T.Ken 103:1).
Kü nelai Kibuba uludaktsür. Aser kü nelai kü Kümtetdakba Tsüngrem dak temulung kanga chiogo (Lk. 1:46,47).
Temeim Oba, ni Ne chir kümdaktsütsü asoshi Ne chir ka dang aliba, Yisu alimai yok nung kü nela ajak agi Ne tenüng asanger. Amen.