Pa tenüng sentsüwangshi ken tenang. Pa nüngsang sentsüwangshidakjang (T.Ken 66:2)

Nisungtemi Kü tenüngsang yoktsü asoshi ni atema ni parnok yanglu (Isa. 43:21). Ni anema parnok temenen tai inyakba ajak nungi ni meshitettsütsü aser Ni anema noktakba aser menaba tai ajak atoktsü. Aser alima kintem shirnoki Ni parnok tajung inyaktsü aliba ajak angashitsü ali, parnok ajak dang, iba yimti ni atemabo tepelatsü tenüng sangtsü ka aser sentsüwangshitsü ka asütsü, iba asoshi tajung ajak aser yimjung ajak ni bener arutsüba yong parnoki tsübutsü aser atententsü (Yr. 33:8,9). Ajangla Pa ajanga maneni Tsüngrem dang tenüngsang tenla oda Pa nüng nangzükba tebangmechi tejang tenladi (Ibri 13:15).
O Kibuba, kü Tsüngrem, kü mulung ajak agi ni Na asangtsü, ni Ne nüng tatem maka sentsüwangshitsü. Kechiaser kü dang Ne temeim taochi kanga tulu; aser teküpbokba Sheol nungi Nai kü taküm kümzükogo (T.Ken 86:12,13). O Kibuba, Tsüngrem rongnung Na mesüka shiba lir? Temeshiba nung sentsüwangshia, tenüngsang nung tetsübutsü ka, sayatenya inyaka, Na mesüka shiba lir? (Anitet 15:11). Ken agi ni Tsüngrem tenüng asangtsü, aser tenüngsang agi ni Pa uludaktsütsü (T. Ken 69:30). Aser parnoki Tsüngrem tenzüker Mosa ken, aser san chanu ken tena ashir, O ajak Takoksang Kibuba Tsüngrem, Ne mapa tulu aser tesüngmangtsü lir: teti aliba chuba, Ne lenmangtem temeshi aser ochi. O Kibuba, shibai metsübutsü aser tenüng sentsüwangshitsütsü? (J. Adok 15:3).