Aser Pa madak Kibuba tanela, shisatsü aser tangatetba akaba tanela, teshisadang aser tashi akaba tanela, aser temetetba tanela, aser Kibuba tsübuba alitsü. Aser Kibuba tsübuba nung Pa pelaba alitsü; Pa tenük agi anguba agi Pai O mebendangtsü aser Pa tenarong agi angashiba agi Pa melemtettsü (Isa.12:2,3).
Tashitemeteti mayimtener ama? Tangatetbai la ola madoker ama? O nisungtem, Ni nenok dang ajar, aser Kü olaji nisungchirtem dangi lir. O nenok tongmelanger, shisatsü angazükang; aser nenok tamachi tem, temulung tenang. Angang, kechiyong Ni tamaren indang jembitsü; aser Kü tebangmechi nungi shitakbatem adoktsü. Kipok sayuba aser tetangtep tashitemetet Kü meyong: Kü dak tangatetba lir; Kü dak tashi lir (A.Shin 8:1,4,6,14).
Ibai temeranger Kibuba nungi aru, koba teshisadangba nung tesüngmangtsü, aser shisatsü nung tajungtiba lir (Isa. 28:29). Saka nenok rongnung kar shisatsü agi anünga lira, atalaa marütsü angati ajak nem agütsüba Tsüngrem dang pai meshidakjang: aser aji pa nem agütsütsü (Yakob 1:5). Ne mulungjang ajak agi Kibuba dak amangang, aser na pei teshisadangba nung temulung lema teli.
Ne lemang ajak nung Pa agizükang, aser Pai ne lemang metongtsütsü (A.Shin 3:5,6).
O Oba Tsüngrem, ni tangatetba shisatsü agi anünga lir. Kü nem tangatetba shisatsü kua. Amen.
You must be logged in to post a comment Login