Pablo Cuevas-i Rio Open takok marok agizük

Rio de Janeiro, February 22 (Agencies): Uruguay nunger Pablo Cuevas-i Argentina nunger Guido Pella madak final asaya koka Rio Open takok marok tanü, Hombar nü agizükogo.
Spain nunger Rafael Nadal semifinal asaya nung tsükdaktsüsang, Pablo-i ghonda 2 ser minute 16 nung points 6-4, 6-7 (5/7), 6-4 ngua final asayaji akok.
Tan final asaya yasüng, Deobar aonung tembangtsü liasü saka tzünglu kanga sashia aruba yong iba asayaji tanep, Hombar anepdanga tembanga asayatet.
Tang alima tennis asayar tarensen nung 45 buba jenjang abensang, Pablo-i tan final asaya akokba sülen senpet sen dollar sen 303,000 agizükba den külemi, asayar tarensen nung 27 buba jenjang tonga atutsü maongka nguogo.

You must be logged in to post a comment Login