PAC senden nung “Sorkar Ka, Saru Ka” bangzüng akangshi

Dimapur, November 13 (TYO): November 13, 2019 nü PAC rongdak senden ka Lotha Hoho Ki Dimapur nung ayonga amen.
Iba ya November 10, 2019 nü NCD aser NNPG’s tsüngda senden amenba sülen ayonga amenba lir. Senden nung Kin Hoho tirtem aser NCD kübok teshimtet nübotem den DUCCF, DCCI, Naga Women, BAN, DNSU, GBs Union aser Non-Naga communities nungi tanishirtemi October 31, 2013 nü “Sorkar Ka, Saru Ka” ta bangzüng renemba nungi masetshii noktaktsü lemtet, ta Media Cell PAC, NCD sangdong ka nung metetdaktsüogo.
Senden nung adenertemi PAC-i tang tashi mapa inyaka aruba atema tenüngsang agütsü aser maneni PAC nungita yaritsü nangzük, ta Media Cell-isa ashi.