Sydney, January 29 (Agencies): WBO welterweight world champion Manny Pacquiao Australia nunger Jeff Horn den Queensland nung asayatsü akok aser iba asaya asoshi tang jembidar, ta Deobarnü ketdangser kati ashi.
Arishi küm 38 tain Philippines nunger Pacquiao shiba dang “Pac-Man” ta ajar, pa April nung Horn den Australia nung tsüngteptsü akok, ta joko hopta ka shi jembia arudar.
“Iba tongtibang tsüngtepba ya atalokdaktsütsü asoshi joko renema arudar,” ta Queensland tourism minister Kate Jones-i Brisbane nung osangbenertem dang ashi.
“Onoki Duco Events, (venue manager) AEG Ogden aser (Brisbane City) Council den iba tsüngtepba sentong Brisbane nung asayadaktsütsü asoshi maparen ajak inyakdar, aser tekeratiba nung renemtsü imlar,” ta lai maneni shisem.
Arishi küm 28 tain Horn Brisbane nung iba asaya asoshi kanga yongya atadar, ta Suncorp Stadium general manager Alan Graham-i ashi.
Horn acha ayanger Duco Events puribo ano iba ya atema kecha telangzüba magütsü.
Iba asaya April 23 nung asayatsü lemtetogo, ta osang ka ajanga ashi.
Pacquiao-i tang tashi nung 67 ben tsüngtepba nung 59 ben takok ngua lir, aser Horn-i 17 ben tsüngtepba nung 16 ben koka lir.
Tsüngteptsüba anogo aser pa den tsüngteptsüba sentong asoshi tang tejembidak, ta taoba hopta Pacquiao-i ashi.
You must be logged in to post a comment Login