Padma Awards nisung 44 nem agütsü

New Delhi, April 13, 2017: Brihostibarnü New Delhi, Rashtrapati Bhavan nung Tir, Pranab Mukherjee-i (abelen nungi ajichilen) Chef, Sanjeev Surendra Kapoor, Odissi tsüngsanger Aruna Mohanty, Olympic gymnast, Dipa Karmakar,  Olympic Wrestler, Sakshi Malik aser kentener, Kailash Kher nunger nem Padma Shri awards agutsüba noksa nung angur. 

New Delhi, April 13 (Agencies): Tir Pranab Mukherjee-i Brehostibarnü Padma awards nisung 44 nem agüja liasü. Item rongnung ‘celebrity’ tem aser lokti atema teyari balala agütsüba nisungtem densema liasü.
Iba sentong ya Rashtrapati Bhavan, Durbar Hall nung agia liasü.
Mukherjee-i guru Sahdguru Jagadish Vasudev aser singer K J Yesudas nem Padma Vibhushan agütsü. Kasa award taoba mapang Madhya Pradesh Chief Minister tenüng nung pa kinungtsü, Sunder Lal Patwa-i agizük.
Vibhushan, Padma Bhushan aser Padma Shri agizüker parnok 44 nungi parnok 40 iba sentong nung aden. Padma Shri angur ka iba sentong nung medentet aser asür parnok asem tenüng nung kinungertemi award agizük.
Padma Bhushan agizükertem rongnung, ‘Mohan Veena’ musical instrument yanglutetsang Pandit Vishwa, Professor of modern languages Mohan Bhatt, Acharya of Kashi Vishvanath Temple, Devi Prasad Dwivedi, Jain monk, Jainacharya Ratnasundersuri Maharaja aser asür Journalist Cho S Ramaswamy nunger liasü.
Chef Sanjeev Kapoor, kentener Kailash Kher, Bollywood chronicler Bhawana Somaaya, taoba Foreign Secretary Kanwal Sibal, Olympic nung shilem agir Dipa Karmakar, Sakshi Malik aser Vikas Shive Gowda, Paralympic Gold medalist Mariyappan T aser ano tangar kar nem Padma Shri tir-i agütsü.
Padma Shri angurtem rongnung ano tetushi angutsü tim mangurtem, school züngtur anensang Jitendra Haripal shiba dang ‘Rangabati ki Awaz’ taka ajar pa den arishi küm 81 tain Assam Ela Ahmad shibai 1970 küm nungi ‘women magazine’ ka adoka arudar aser West Bengal nungi volunteer fire fighter Bipin Ganatra densema lir.
Maneni Laxmi ASU machine yanglutetsang Telangana nungi Chintakindi Mallesham nema iba tetushi sempet agüja liasü.
Tanüngba angurtenji: Dr Subroto Das, Girish Bharadwaj, Anuradha Koirala, Asoke Kumar Bhattacharyya, Eli Ahmed, Krishna Ram Choudhary, Telecom expert Tripuraneni Hanuman Chowdary, social worker Dattatrey Narayan, journalist Balbir Dutt, painter Tilak Gitai, scientist Jitendra Nath Goswami, actor Sadhu Meher, transplant surgeon Mukut Minz, Odissi dancer Aruna Mohanty, Birkha Bahadur Subba Muringla, artist T K Murthy, Kashinath Pandit, Carnatic vocalist Parassala B Ponnammal, sculptor Aekka Yadagiri Rao, Technology professor Ajoy Kumar Raym, media magnet Hasmukh Shah, Sanskrit expert Harihar Kripalu Tripathi, Unani expert Mohammed Abdul Waheed aser surgeon Dr Devendra Pate nungertem lir.
Padma Shri angur Kannada lexicographer G Venkatasubbiah bo iba sentong nung medentet.
Iba sentong nung Ato kilonser Narendra Modi, Cabinet minister tem aser Lok Sabha Speaker Sumitra Mahajan nungeria shilem agia liasü.