‘Padmaavat’ film Taipei Golden Horse FF atema shimogo

Mumbai, Mongputeni/Oct 23, 2018 (Agencies): Sanjay Leela Bhansali indang nüngtugu film “Padmaavat” taküm Taipei Golden Horse Film Festival atema officially shimogo.
Iba osang ya film indang official Twitter handle ajanga Tentonü metetdakja liasü.
“2018 Taipei Golden Horse FF atema #Padmaavat film shimba asoshi kanga pelar,” ta sangdong nung shia lir.
Iba film ya Aenjeti/Jan nung sayaa liasü aser film mesaya tsüngda lokti tentet balalai kanga timtem agüja arurang sayaa liasü. Film otsü ashishiba lokti tentet rongnung Rajput densema liasü aser parnoki ashiba agi, Bhansali-i, chubatsür Padmavati, chuba Maha Rawal Ratan Singh aser Sultan Alauddin Khilji nunger tesendaktep dak sendakba nung puti otsü melenshitsü.
Actors Deepika Padukone, Shahid Kapoor aser Ranveer Singh nungeri iba film nung tongti shilem agiogo aser iba film ya 2018 küm mezüngbuba blockbuster liasü.