Padmaavat Producer-i Gujarat HC teyari meshi

Ahmedabad, Tsüklai 1 (Agencies): “Padmaavat” film producer temi Gujarat High Court dang state sorkar nem iba film sayaba tesemtem nung tekümzükba agütsüdaktsütsü asoshi tetuyuba ka agüjang ta mepishiogo.
Sanjay Leela Bhansali-i direct asüba film ya Aenjeti 25 nü linük ajunga nung sayaa liasü saka Gujarat nung theatre kiburtemi lendong ataloktsü tsübuba agi mesaya. Viacom18 Media Pvt Ltd puri mepeshiba yakda angadangtsü imlar.
Viacom18 Media puri ashiba agi, taoba hopta iba film dak sendakba nung mepetmesü adokba sülen okadak ajanga sorkar nem cenima hall tem nung tekümzükba agütsüdaktsütsü nüngdaker.
Exhibitors aser distributors tem iba film sayatsüba atema renema lir, saka lendong adoktsü tsübuba ajanga parnok atidaker. Karni Sena aser tanga Rajput loktitentet kari iba film ajanga alima puti otsü melenshitsür, ta shia anema arudar.
Film sayatsüba anogo ka lia Ahmedabad nung multiplexes asem tashi kima nung lendong ataloka liasü, aser iba sülen Gujarat Multiplex Owners Association-i “Padmaavat” film cinema house kecha nunga mesayutsü, ta sangdonga liasü.