Paes o Begemann na Tashkent Challenger final asayatsü

Tashkent, October 13 (Agencies): India nunger Leander Paes aser Germany nunger Andre Begemann nati par semifinal asaya koka, tang tasayadak Tashkent Challenger ATP tennis asayamong final asaytsü jenjang tanü, Brehostibar nü ajangzükogo.
Tan asayamong nung 3 buba jenjang abener, Paes o Begemann nati tanü points 6-2, 6-0 agi Tashkent nunger Sanjar Fayziev aser Uzbekistan nunger Jurabeck Karmov na tsükdaktsü.
Paes o Begemann nati minute 42 nung break point 5 ben tashi ngua, tanü semifinal asayaji akok.
Tenati Russia nunger Mikhail Elgin o Uzbekistan nunger Denis Istomin na aser Belarus nunger Aliaksandr Bury o Sweden nunger Siljestrom na rong nung takok angur den final asayatsü.
Tan final nung takok anguri ATP points 125 ajangzükba den dollar sen 7,750 senpet agizüktsü.