Paganini Meyong Violin

Shiba ket nung jenti yua lir, pa ket nungi jenti meshitsü. Luke 12:48
Paganini, mapang ajak violin atemer tulutiba liasü. Pa küm ter alidang nungi violin atemtsü tenzük. Pai Europe nung violin atemba tasa teti asoshi melenshidaktsü. Kodang pa 1840 nung asü, pai pa indang violin pa asodak, Genoa nung shingai tanaben mamshitsüsa yujang ta ashi. Yimti nung tamburtemi pai mepishibaji agizük, aser kanga junga nembanger yutsü, aser meriyijang aikati arua aji reprang.
Saka süng agi yangluba osetji tamshidak nung aliba amai mesüi aküm. Mamshi dang ayu nungji Paganini violinji tarütsü agi rüsaa ao aser tagidak makai aküm. Tanga violin koba tatemeri teti amshi putu ajak nung junga amshi, aser alima nem maneni temoatsü agütsür. Saka tanü Paganini-i amshiba violin tamakitsü ka aküm. Koda tangazüktsü tulu!
Pauli tanelaren jabaso, Timoti dang ashi, “Tamburtemi teka nemetba agi, shin o atalokba agi ne nem agütsüba koba sempet ne dak lir, aji sentoka teyu.” (1 Timoti 4:14). Takokji maneni aoba ka lir. Iba ainba aser terenlok dena lir. Iba nung mezüngbuba takokji tajemdakdak sür tanabuba takok atema inyaker. Iba nung tanen maka.
Nai koba anebalu masür shizüka aor. Saka ne sempet maneni amshiba ajanga tepela dang agütsür masü, saka tangar tenzüker aser moatsür.
Yamaji shidakba taküm nükjitongji ataloktsür.