Pai akok

Kechiaser shiba Tsüngrem nungi aso, Pai alima akoker; aser takokba kobai alima ajiter ibaji asen tamang. 1 Yohan 5:4
Shirnoki Yisuji Tsüngrem chir ta amanger parnokji takokertem lir. Takok tetezü temaba, mesüra tashi taitba. Ibaji tsükchir ka atsüngtokba lir. Tsükchir atsüngtok nung dang ajaki iba tashiji angutsü. Yisui Yohan 16:33 nung iba lima nung asenok timtem liaka pelaang ta ashibaji, Pai Pa tashi indang rasaa ashiba lir, kechiaser Pai alima akok.
Tamanger ka ama asenok Pa asüba, baptiba aser shia aruba nung bapti (Rom 6), aser Pa takokba asenok kar. Iba O yagi alima madak maneni takok angur, asenok timtem mapang nung asenok den iba ochi teti ayutsüla. Asenoki ajak madak takok angutsü asen tamang agi yarir. Yohani 5:5 nung iba indang tejangja ratettsür, “Yisuji Tsüngrem chir, ya shibai amanger pa atema alima akokba shiba lir?” Atangji asenok “Yisu nung takokba lir.” Tang asenoki tamakoker ama masü takoker ama lidi.
Yisu, Nai tatembangba rara akokba asoshi ni Ne tenüng asanger. Ni anogo shia tongpang raraaka kü dang yariang aser ni anogo shia takok angutsü. PAI AKOK