Paite kin-i Manipur Health Minister, Parl Secy sentoker

Imphal, October 09 (Agencies): Brihostibar nü Young Paite Association (YPA)-i Paite kin nungi senior Minister ka aser MLA ka züngdokogo.
Joint Action Committee (JAC) aser All Tribal Students Union Manipur (ATSUM)-i tribal MLA ajak nüburtemi sentoktsü lemteta liasü.
Churachandpur AC nungi adoksang Manipur Health Minister, Phungzathang Tonsing aser Thanlon AC nungi adoksang Parliamentary Secretary, Vungzagin Valte na Paite kini sentokogo.
YPA-i ashiba agi, iba association nungsa züngsem minister anati pei nüburtem sentoka tang mangatettep aliba bill asem pusemogo.
Parnokisa ashiba agi, tena mangyim/tejashi mapang mesüra tepela mapang ajak nung YPA-i amalitep malitsü aser nübo agüja meyariteptsü.
Taküm August 31 nü Manipur Assembly nung mangatettep aliba Bill asem agizükba sülen ILP Bill asem nung mera magitetba atema Churachandpur nüburtem aser JAC-i tribal MLA ajak sentoktsü lemteta liasü.